പോലീസ് സ്റ്റേഷനിൽ അക്രമവും ആഭാസത്തരവും കാണിച്ചു എന്ന് പറഞ്ഞു നടൻ വിനായകനെ പോലീസ് അറസ്റ്റ് ചെയ്തിരുന്നു.പോലീസ് ഓഫീസറെ സാർ എന്ന് മാത്രം സംബോധന ചെയത് സംസാരിക്കുന്ന വിനായകനിൽ എന്ത് മോശമായ ഭാഷയും രീതിയുമാണ് പോലീസ് ആരോപിക്കുന്നത്.ആ സ്റ്റേഷനിലെ പോലീസ് ഓഫീസർ “നീ ” എന്ന് എത്രവട്ടം അധികാര ഭാവത്തിൽ വിളിക്കുമ്പോഴും വിനായകൻ സർ എന്നാണ് അയാളെ തിരിച്ചു വിളിക്കുന്നത്.
പോലീസ് ആയാൽ ആരെയും കയറി ഡാ, പോടാ, നീ വിളിക്കാൻ ഉള്ള സ്വാതന്ത്ര്യമുണ്ടോ? ഇന്ത്യാ മഹാ രാജ്യത്തെ ഏത് പൗരനും പോലീസിനോടായാലും ചോദ്യങ്ങൾ ചോദിക്കാനുള്ള അവകാശമില്ലേ ? .തന്റെ വീട്ടിൽ ബലമായി രണ്ട് സ്ത്രീകൾ കയറി വരുമ്പോൾ അവർ ആരാണ് എന്താണ് കാര്യമെന്ന് ചോദിക്കാനുള്ള അവകാശം ഒരു സാധാരണ പൗരനില്ലേ ? അവർ പൊലീസാണ് എന്ന് പറയുമ്പോൾ യൂണിഫോം ഇല്ലാത്തത് കൊണ്ട് അവരോട് ഐഡി കാർഡ് ചോദിക്കുന്നത്ക്രിമിനൽ കുറ്റമാണോ ?
വിനായകന്റെ ജാതിയും നിറവുമാണ് ഈ അറസ്റ്റിനും ആഘോഷത്തിനും പിന്നിലെന്ന സത്യം ചിലരെങ്കിലും മനസ്സിലാക്കുന്നു.ദളിതനായ വിനായകൻ ഉച്ചത്തിൽ സംസാരിച്ചത് ,ചോദ്യങ്ങൾ ചോദിച്ചത് പലരെയും അസ്വസ്‌ഥമാക്കുന്നു.പോലീസ് ആയാൽ ആരെയും കയറി ഡാ,പോടാ,നീ എന്നൊക്കെ വിളിക്കാൻ ഏത് പോലീസ് അക്കാദമിയിലാണ് പരിശീലനം കൊടുക്കുന്നത്?