ഉർവശി, ഭാവന, ഹണി റോസ് തുടങ്ങിയവർ കേന്ദ്ര കഥാപാത്രങ്ങളാകുന്ന ശങ്കർ രാമകൃഷ്ണന്റെ ഏറ്റവും പുതിയ ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ടു.ശങ്കർ രാമകൃഷ്ണൻ എഴുതി സംവിധാനം ചെയ്യുന്ന ചിത്രത്തിന് ” റാണി ” എന്നാണ് പേരിട്ടിരിക്കുന്നത്.
കേന്ദ്ര കഥാപാത്രങ്ങളായി ഉർവശിയും ഭാവനയും എത്തുന്നു.മാലാപാർവതി, അനുമോൾ, ഇന്ദ്രൻസ്, ഗുരു സോമസുന്ദരം, മണിയൻപിള്ള രാജു, അശ്വിൻ ഗോപിനാഥ്, കൃഷ്ണൻ ബാലകൃഷ്ണൻ, അമ്പി നീനസം, അശ്വത് ലാൽ തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
മാജിക് ടെയിൽ വർക്ക്സ് പ്രൊഡക്ഷൻസിന്റെ ബാനറിൽവിനോദ് മേനോൻ, ശങ്കർ രാമകൃഷ്ണൻ, ജിമ്മി ജേക്കബ് എന്നിവർ ചേർന്നാണ് ചിത്രത്തിന്റെ നിർമ്മാണം.ചീട്ടിലെ റാണിയുടെ രീതിയിൽ പോസ്റ്റർ ഡിസൈൻ ചെയ്തിരിക്കുന്ന റാണി ഒരു സ്ത്രീ കേന്ദ്രീകൃത സിനിമയായിരിക്കും എന്നാണ് വ്യക്തമാകുന്നത്.പുതുമുഖം നിയതി കാദമ്പിഒരു മുഖ്യ വേഷം ചെയ്യുന്നു.
മേന മേലത്ത് ഗാനങ്ങൾ എഴുതി സംഗീതം നൽകിയിരിക്കുന്നു. ഛായാഗ്രഹണം വിനായക് ഗോപാൽ, എഡിറ്റർ അപ്പു ഭട്ടതിരി, മേക്കപ്പ് രഞ്ജിത്ത് അമ്പാടി,, ചീഫ് അസോസിയേറ്റ് ഡയറക് ഷിബു ഗംഗാധരൻ, അസോസിയേറ്റ് ഡയറക്ടർ നിതീഷ് നാരായണൻ. പശ്ചാത്തല സംഗീതം ജൊനാഥൻ ബ്രൂസ്,തമിഴ് വരികൾ കോദൈ അരുൺ