തിരുവനന്തപുരം: രണ്ടുദിവസം നീണ്ടു നിൽക്കുന്ന കേരളസന്ദർശനത്തിനു ഉപരാഷ്ട്രപതി ജഗ്‌ദീപ് ധൻകർ ഇന്ന് തിരുവനന്തപുരത്തെത്തും.ഞായറാഴ്ച വൈകുന്നേരം 4.40-ന് വിമാനത്താവളത്തിലെത്തുന്ന ഉപരാഷ്ട്രപതി ഗാർഡ് ഓഫ് ഓണർ സ്വീകരിച്ചശേഷം അഞ്ചുമണിക്ക് ശ്രീപത്മനാഭസ്വാമി ക്ഷേത്രം സന്ദർശിക്കും.ഇന്ന് രാത്രി രാജ്ഭവനിൽ വിശ്രമിക്കും
തിങ്കളാഴ്ച രാവിലെ ഒമ്പതിന് ക്ലിഫ് ഹൗസിൽ മുഖ്യമന്ത്രി പിണറായി വിജയൻ ഒരുക്കുന്ന വിരുന്നിൽ പങ്കെടുക്കും. 10.30ന് നിയമസഭ ആർ. ശങ്കരനാരായണൻ തമ്പി മെമ്പേഴ്സ് ലോഞ്ചിൽ നിയമസഭാ മന്ദിരത്തിന്റെ രജതജൂബിലി ഉദ്ഘാടനം ചെയ്യും. കണ്ണൂരിൽ ഉപരാഷ്ട്രപതി കണ്ണൂർ ഏഴിമലയിലെ ഇന്ത്യൻ നേവൽ അക്കാദമി (ഐഎൻഎ) സന്ദർശിക്കും,കേഡറ്റുകളുമായി സംവദിക്കും. ഇന്ത്യയുടെ ഉപരാഷ്ട്രപതി ഐഎൻഎ സന്ദർശിക്കുന്ന ആദ്യ സംഭവമാണിത്.
ചിറ്റോർഗഡിലെ സൈനിക് സ്‌കൂളിൽ വിദ്യാർത്ഥിയായിരിക്കുമ്പോൾ ഉപരാഷ്ട്രപതി ധൻഖറിനെ പഠിപ്പിച്ച കണ്ണൂർ താഴെ ചമ്പാടുള്ള രത്‌നാ ടീച്ചറിനെ സന്ദർശിക്കും