കൊല്ലം : സിപിഐ നേതാവും കരുനാഗപ്പള്ളി മുൻ എംഎൽഎമായിരുന്ന ആർ രാമചന്ദ്രൻ അന്തരിച്ചു. 62 വയസ്സായിരുന്നു.കരള്‍ സംബന്ധമായ അസുഖത്തെത്തുടര്‍ന്ന് ചികിത്സയിലായിരുന്ന ആർ രാമചന്ദ്രൻ ഇന്ന് പുലര്‍ച്ചെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.സംസ്‌കാരം നാളെ കരുനാഗപ്പള്ളിയിലെ വീട്ടുവളപ്പില്‍ നടക്കും.
കോൺഗ്രസിന്റെ സി ആർ മഹേഷിനെ 1759 വോട്ടിന് തോൽപ്പിച്ചു കൊണ്ട് 2016 ൽ കരുനാഗപ്പള്ളിയുടെ എൽഡിഎഫിന്റെ എംഎൽഎയായി നിയമസഭയിലെത്തി.സിപിഐ കൊല്ലം ജില്ലാ സെക്രട്ടറി,സിപിഐ സ്റ്റേറ്റ് കൗണ്‍സില്‍ അംഗം എന്നീ സ്ഥാനങ്ങളിൽ പ്രവര്‍ത്തിച്ചിട്ടുണ്ട്.