തിരുവനന്തപുരം: പ്രശസ്ത വയലിനിസ്റ്റും വയലിൻ അധ്യാപകനുമായ ബി.ശശികുമാർ അന്തരിച്ചു. 74 വയസായിരുന്നു. ശനിയാഴ്ച രാത്രി 7:30 ഓടെ ജഗതിയിലെ വർണത്തിൽ വച്ചായിരുന്നു അന്ത്യം സംഭവിച്ചത്. അന്തരിച്ച വയലിനിസ്റ്റ് ബാലഭാസ്‌കർറിന്റെ അമ്മാവനാണ്. വയലിൻ കച്ചേരി അവതരിപ്പിക്കുന്നതിനൊപ്പം ചെമ്പൈ വൈദ്യനാഥ ഭാഗവതർ, ശെമ്മാങ്കുടി ശ്രീനിവാസ അയ്യർ, ബാലമുരളീകൃഷ്ണ, ഡി.കെ.ജയരാമൻ തുടങ്ങി പ്രശസ്തരായ സംഗീതജ്ഞർക്കൊപ്പവും ബി.ശശികുമാർ വയലിൻ വായിച്ചിട്ടുണ്ട്.
ആകാശവാണി ആർട്ടിസ്റ്റുകൂടിയായിരുന്ന ശശികുമാർ മലയാളം, തമിഴ് കീർത്തനങ്ങളും ആകാശവാണിക്കുവേണ്ടി നാടകങ്ങളും രചിച്ചിട്ടുണ്ട്. കേന്ദ്ര സംഗീത-നാടക അക്കാദമിയുടെ പുരസ്‌കാരവും, കേരള സംഗീത-നാടക അക്കാദമി ഫെല്ലോഷിപ്പും നേടിയിട്ടുണ്ട്. സ്വാതിതിരുനാൾ കോളജിൽ നിന്നും ഗാനഭൂഷണവും ഗാനപ്രവീണും പാസായിട്ടുണ്ട്. സ്വാതിതിരുനാൾ സംഗീത കോേളജിൽ അധ്യാപകനായിരുന്നു.