കൊച്ചി : ബെംഗളൂരുവിൽ നിന്നും തിരുവനന്തപുരത്തേക്ക് പോവുകയായിരുന്ന കല്ലട ബസ്സ് സിഗ്നൽ പോസ്റ്റിൽ ഇടിച്ചു മറിഞ്ഞ് ബൈക്ക് യാത്രികൻ മരിച്ചു.ബസിലുണ്ടായിരുന്ന യാത്രക്കാരിൽ നിരവധി പേർക്ക് പരിക്കേറ്റു.കൊച്ചി വൈറ്റില ഭാഗത്തുനിന്ന് അമിത വേഗതയിലെത്തിയ കല്ലട ബസ്സ് മാടവനയിൽ വെച്ച് സിഗ്നൽ പോസ്റ്റിൽ ഇടിച്ചു മറിയുകയായിരുന്നു.
അമിത വേഗതയിൽ ബ്രേക്ക് ചവിട്ടിയതാണ് അപകട കാരണം.മുൻപിൽ നിർത്തിയിട്ട ബൈക്കിനു മുകളിലേക്ക് ബസ് മറിയുകയായിരുന്നു.ഓടിക്കൂടിയ നാട്ടുകാരും പൊലീസും ചേർന്ന് നടത്തിയ രക്ഷാപ്രവർത്തനമാണ് പരിക്കുപറ്റിയവരെ ഉടനെ തന്നെ ആശുപത്രിയിലെത്തിക്കാൻ കഴിഞ്ഞത്.